అంతరంగదర్పణం

అనుభవాలు భావపాతాలై 
గుండె శిలలను చేరితే 
అలజడి చెందిన అంతరాత్మ 
బ్రతుకు ఒరవడిని తాళలేక 
పల్లాలని వెదుక్కుంటూ
అంతర్మధనానికి లోనై  
మది లోయల్లోకి జారుకుంటాయి  
చచ్చిన ఆశలు ఆడుకుంటాయి
జ్ఞాపకాలు ఒడ్డున పడేస్తాయి
అనుభవసారాలై జీవితాన్ని సరిచేస్తాయి..

ముక్తి

ఈ అంతరంగపు ఎడారిలో 
భావకవితలే ఒయాసిస్సులు 
కళల కలల్లో జీవిస్తూ 
ప్రతీ పాత్రలో లీనమైనప్పుడు
అంతర్మధన విముక్తి కష్టం
కవితా రూపకల్పనకై చేసే కృషి
కళాసాధనకి సంపూర్ణత ఇస్తుంది