నా ... నీ

నీ మాటలు వరములై 
హృదయ తలుపులు తడుతుంటే
నీ వాలు చూపులు బాణాలై
నా గుండెను మెలిపెడుతుంటే
నీ ఆశయాలు మలుపులై 
నా గమ్యాన్ని నిర్దేసిస్తుంటే 
నీ నవ్వులు పువ్వులై 
నా మనసులో పరిమళిస్తుంటే
నిన్ను మరవలేని స్థితి
ఏమి దిక్కుతోచని పరిస్థితి
నీకై వేచిచూస్తూ అలసిపొయాను..

సమాజం

కళ్ళు ఉన్న సమాజం
చదివేది మనసును కాదు

మోసం చేసే సమాజం
మానవత్వం చూడదు 

ముప్పుతెచ్చే సమాజం
చెప్పిన మాట వినదు

వెర్రితలల సమాజం
వెక్కిరించడమే చెస్తుంది

వెర్రిబాగుల సమాజం
మంచిని విస్తుపోయి చూస్తుంది 

ఎదలో

రాగాలు తీస్తూనే మైమరచిపోయా
చిరుగాలి తరగలకే చిందులేశాను
ఏటికే నీవింక ఎనలేని హొయలని
వయసు ఊహల్లో నిన్ను నింపాను
న నువ్వు ఎగిరెగి పడుతుంటే
గిలిగింతలతో ఒళ్లు తుళ్లింతపడెను
నీటిలోన నన్ను నేను చూసుకుని
నిను చూచినట్లు మనసు పరుగులెత్తేను 
గోదారి వలె నువ్వు గలగలా నవ్వకే
నీవు లేవన్న ధ్యాసతో నాకు ప్రాణం తీయకే

నీ నిరాశ

నిరాశ నిస్ప్రహ నిర్లక్ష్యం 
వైఖరి నీలో రేపును అలజడి 
నిరంతరం నిశ్చల నిర్మల ఆలోచనలతో
నిశ్శబ్ద భావాల్ని ప్రకటిస్తూ
అందరితో వాటిని పంచుకుంటూ
ఆత్మవిశ్వాసంతో మంచి నిర్ణయాలను 
తీసుకుని ముందుకు సాగిపోతూ 
నీ జీవిత గమ్యాన్ని నిర్దేశించుకో నీవు

వెలుగు

గొంతు దాటి రానీయకు 
గుండెలోని భావాలను
గొంతులోనే త్రుంచేయి 
మనసులోని మాటలను
కంటిలోనే ఇంకిపోనీయి
కన్నీటి శోకాలను 
నవ్వు రాకపోయినా 
విరిసి నవ్వనీ పెదవులను 
వెలుగు లేనిదే 
నీడ కూడా రాదు నీతోను 
కాలం కలసిరానిదే 
అనుకున్నది జరుగదు...

అంతర్మధనం

నీ లోతుల్లో ఏ మూలో
దాక్కున్న అంతర్ముఖం
పగలంతా నిద్రలో జోగుతూ
రాత్రుళ్ళు కత్తులు రువ్వుతుంది
ఎగిసిపడే ఆలోచనలలో
తడిసి ముద్దయ్యే నిన్ను 
నీవే కౌగిలించుకుని
భావ తీవ్రతలో
ఆర్థ్రమయ్యే మనసుకు
జోలపాట పాడే ప్రయత్నంలో
అంతర్ముఖంతో అంతర్మధనం చేస్తావు 

నువ్వు

నా బాధలో భాష్యంలో తోడు నువ్వు 
అలవోకగా కదలాడే అలజడి నీవు!!
నా ఒంటరితనపు చేయూత నువ్వు 
ఆశల వెల్లువలో ఊరట నీవు!!
నా ప్రతి కదలికకీ భాష నువ్వు 
ఆగ్రహం వచ్చిందంటే ఆనకట్టవు నీవు!!
నా తోడు నీడా అన్నీ నువ్వు
సమస్యలో పరిష్కారం కూడా నీవు!!
నా నిశిరాతిరి ప్యనం నువ్వు
మండుటెండలో మంచుకొండవు నీవు!!

ఊహ

ఏదో ఒకసారి గుర్తుకురావడం ఏమిటి?
మస్తిష్కంలోని ప్రతికణంలో నిక్షిప్తమైపోతే
ఏదో ఒక స్థితి పరిస్థితి
ఏదో ఒక సంఘటన ఒక అనుభూతి
అప్పుడప్పుడూ మేఘాలు కమ్మే 
మనసు ఆకాశం అయిపోయి
హృదయతంత్రులు వేదనతో నిండె
గుండె భారం అయిపోయి
అయినా ఏదో రాగం ఆలపిస్తున్నా
నువ్వు నేను ఒకటే అనుకున్న ఊహల్లో..

ఓర్పు

ఊహల్లో ఉండటం ఎంత హాయిగా ఉంటుంది
జ్ఞాపకాలు అంతే మధురంగా ఉంటాయి
జరుగుతున్న వాస్తవం చేదుగా ఉంటుంది
ప్రతిదీ కాలమే నిర్ణయిస్తుంది
జరగాల్సింది జరిగిపోతుంది..
అయినా ఓర్పు తప్పదు జీవితానికి!!....

అంతరంగదర్పణం

అనుభవాలు భావపాతాలై 
గుండె శిలలను చేరితే 
అలజడి చెందిన అంతరాత్మ 
బ్రతుకు ఒరవడిని తాళలేక 
పల్లాలని వెదుక్కుంటూ
అంతర్మధనానికి లోనై  
మది లోయల్లోకి జారుకుంటాయి  
చచ్చిన ఆశలు ఆడుకుంటాయి
జ్ఞాపకాలు ఒడ్డున పడేస్తాయి
అనుభవసారాలై జీవితాన్ని సరిచేస్తాయి..

ముక్తి

ఈ అంతరంగపు ఎడారిలో 
భావకవితలే ఒయాసిస్సులు 
కళల కలల్లో జీవిస్తూ 
ప్రతీ పాత్రలో లీనమైనప్పుడు
అంతర్మధన విముక్తి కష్టం
కవితా రూపకల్పనకై చేసే కృషి
కళాసాధనకి సంపూర్ణత ఇస్తుంది